قاعة اروما للمناسبات والمؤتمرات

شكرا لكل موظفي اروما وعلى رأسهم مدام جمانة والأخ محمد الشيباني ورنيم وسميحة.. الجميع ماقصر معنا من بداية البحث إلى نهاية مناسبتنا.. مدام جمانة وش أقول وش أخلي ؟ إنسانة عسل حبوبة فاهمة شغلها تؤديه بحب واحترافية، ومو بس شغلها، بل تقدم خدمات ومساعدات واقتراحات عظيمة بدون طلب.. فعلا تجلسين كأنك ضيفة وهي ماشاء الله نحلة هي والطاقم اللي معها.. شكرا من القلب ودعوات خاصة لهم، وبإذن الله مو آخر تعامل معهم..

الصراحة القاعة كانت فوق المتوقع 👌 الخدمة مرة رائعة وكل شيء منظم من البداية للنهاية، ترتيب الضيافة ممتاز، النظافة والترتيب والتنظيم كان على أعلى مستوى وما حسّينا بأي تقصير أبدًا. أحب أشكر الموظفات: جمانه، نفين، رنيم، سميحه وأم سلطان كان لهم دور كبير بنجاح الليلة وراحتنا، الله يعطيهم العافية ويستاهلون كل الشكر 🙏

قاعة للمناسبات فخمة جدا وتبيض الوجه دخلتها يوم السبت الموافق 13/12/2025 بعد دعوتي لحضور مناسبة زواج وكان يوما مطيرا على الرياض وادخلت سيارتي في المواقف السفلية المرتبطة بمصعد خاص الى مدخل الصالة المكان يشع نظافة والاستقبال رائع والضيافة على مدار كل دقيقة والعشاء خمس نجوم والبخور الاصلي يعبق بالمكان والقهوة بانواعها السعودية وغيرها متوفرة بكل اريحية دعواتي لكل عريس بالتوفيق . دمتم بخير.

زيارتي الاولى لهذي القاعة الفخمة ماشاء الله تبارك الله ، الزواج كان لبنت صديقي الله يوفقهم يارب ، الصراحة الفخامة من الآخر ، الضيافة والتقديم ماشاء الله تبارك ، طبعا ماشاركتهم العشا لأني سلمت ومشيت بس الفخامة واضحة من اول المكان 👌🏼، انصح طبعا بالمكان لأصحاب المناسبات والعامة والخاصة ، أتوقع السعر مرتفع للقاعة كامله ، عندهم مشكلة وحدة هي انك يالله تلاقي لك موقف للسيارة وأنا طالع من القاعة شفت مواقف أتوقع تحت الارض بس للأسف كان مغلق 😬 ، اللهم أدم علينا نعمة الامن والأمان واحفظ حكامنا من كل سوء ومكروه …… اللهم امين 🇸🇦 .

قمة الفخامة بذوق حضرنا بها مناسبة زواج وصراحة ترتيب منظم من دخولك حتى خروجك وصراحة البوفيه جدا جميل ومنوع ومرتب والحلى ايضاً فخم وكذلك الصبابين للرجال لبس فخم وموحد وكل دقيقه فوق رأسك واحد مع التقديمات المنوعه ويمتازون عن غيرهم وجود بدروم للمواقف وتوجيه المنظمين لدخولك بالمواقف وحجز المواقف لاهل الزوج وضيوفه جدا طريقة تضفي على القاعة جمال التميز والترتيب وارفق لكم مقتطفات من صور القاعه للرجال والنساء وقسم العروسين وانصح بها لفخامته وبياض الوجهه

زواجي كان فيها امس ، بصراحة القاعة تفوق التوقعات من جميع النواحي، تنظيم، نظافة، تنسيق، وتعامل راقٍ جدًا. كل التفاصيل كانت مدروسة بعناية، والخدمة عشره من عشره وأكثر. أشكر من القلب مشرف القاعة الأستاذ خالد على حضوره الدائم واهتمامه بكل صغيرة وكبيرة، وكذلك الأستاذ محمد على تعاونه الراقي وسرعته في الاستجابة، فعلاً نموذج للاحترافية. كانت تجربة فخمة وممتعة بكل معنى الكلمة .

من ارقى قاعات واجملها تواجه موقعها ممتاز قريبه من الطرق الرئيسية 📍في الياسمين توجد مواقف سيارات في القبو كل شي كامل فيه مصعد من جناح العروس وجناح خاص له وغرف في قسم ثاني كل شي يجنن وفخامه شي لا يعلى عليه وشكرا جزيلا للقائمين والاداريين من ترتيب وتنظيم وعشاء ابرز الأشياء الي تبرد القلب الاهتمام بالضيوف من القهوه تواجه وصبابات بشوشات وعاملات خدومات حبيت الاهتمام بادق التفاصيل من تدخلون في زوايه فخمه للعطور تبهر الحظور وقسم خاصه غرفه للعبايات مربحه ومنظمه قاعه ودورات مياه نظيفه طاولات عليها كبيره مزينها وطاولات فخمه منسقه و ترتيب الطاولات والنظافه وجميع الامور الصغيرة والعشاء من مطعم الجادي افظل اكل من طبخها سعوديها فنانه في كل سخانات وشعبيات وتقديم سلطات لذيذه مره وراهي يعجز اللسان عن شكرهم صراحه 🌹🌹

السلام عليكم اولاً حابه اشكر القاعه على دقتهم وتعاونهم من الاخت نوره للشباب اللي كانو كلهم متعاونين ويجابون على الاستفسارات بكل رحابه. العرس كان يوم السبت 10 يناير كان فووق الخيال المعازيم كللهم اثنوا على القاعه وتفانيهم في الشغل وانا اول مرره اشوف قاعه زي كذا كانو خدومين وسريعين بشكل كأن العرس عرسهم القهوه على طول حاضره وواقفين عند المعازيم كلهم يقولون اول مره نتقهوى بعرس زي كذا، وحابه اخص بالشكر مدام جمانه والتيم اللي معها مهما اقول ما اوفيهم حقهم تباارك الله كانت كانها اخت تسوي الشغل من قلب ماتحتاج احد يقول لها عارفه وفاهمه وش نحتاج من قبل مانقول حرريصه على كل التفاصيل والله انها طمنتني وريحتني بششكل الله يسعدها وين ما راحت حتى في نهايه العرس على طول لما رقيت لقيت الاشياء مرتبه ومضفوفه ماحتجت اقول لها ايضاً نيفين وسميحه ساعدونا كثيير كل التيم كان متكامل ومتعاون وراائع.🤍🤍

من اجمل القاعات والاروع نظافة وجمال وطاقم اداري واشرافي متعاون وراقي في التعامل اشكر كل الطاقم على مجهوده الذي بذل في يوم ١١/١١ لزفاف ابني حفظه الله واخص بالشكر جمانه اللطيفه والراقيه في التعامل .. وشكرا لتنظيمها الجميل جدا حسيت اني ضيفة من ضمن الضيوف وكذلك نفين وسميحة الله يعطيهم العافيه ماتركوني ولا لحظه وشكرا ايضا لمطبخ الجادي ايضا البوفيه كان خيال خيال تنسيق وطعم لذيذ كل شيء كان جميل لوفيه اكثر ٥ نجوم كان حطيته ممتنه للجميع

قاعة اروما يعجز اللسان عن وصف جمالها كل تفاصيلها راااااائعة وتستاهل ❤️ ومشرفة القاعة جمانة شهادتي فيها يعجز اللسان عن مدحها ومساعداتها نفين وسميحه ورنيم وام سلطان المديح ماتكفيهم يعجز السان عن المدح عنهم بيضت وجيهنا تريحك من كل شي و سنعها يبرد القلب تشتغل بحب وفاهمة في شغلها الله يسعدها وكانها اختي الله يسعدههم ويوفقهم وين ماراحوا ❤️❤️❤️❤️❤️ العشاء كان لذيذ جدًا جدًا والاصناف متنوعة وطريقة التقديم رهيبة القاعة جميلة من جميع النواحي لا تترددون فيها 😍 منسقة الزواج كانت قوابو ايفينت (جميلة الزمامي) راقية وفاهمه هي واختها ربي يسعدهم شغلهم يبيض الوجة وتفهم وش تبون بالضبط وتسوي زيه وافضل💞 ابهرتنا بجمال الشغل .. الله يديم الافراح ويتمم للجميع على خير 💕 وكذالك الاخ محمد وخالد والله ماقصروا بيض الله وجههم